RECONQUISTIÑA 2026

Unha tempada atrás, un grupo de percusión do Casco Vello veu ao cole. Con eles gozamos dun obradoiro onde nos mostraron a historia da música tradicional galega e os seus instrumentos, así coma algunhas cancións que logo interpretariamos na Reconquistiña...

Onte, 23 de marzo, celebramos a Reconquistiña de Vigo, onde mostramos o estandarte do noso colexio con orgullo. Empezando o desfile na Alameda, emprendemos a marcha cara a porta do Sol, onde esperamos moi ‘sereos’ as palabras do alcalde da nosa cidade e interpretamos as nosas cancións acompañados da percusión polo grupo do Casco Vello. Movémonos enerxicamente cando nomearon o noso estandarte e por tras del emprendemos o desfile novamente cara o Berbés. Para rematar, tomamos un anaquiño de praza, onde gozamos dun merecido descanso, sempre a compañados da nosa música tradicional!!!!

        

        

n       

O alumnado de 4º de primaria visita o Centro de Día ''Parque Castrelos''

O alumnado de 4 de primaria visitou nun par de xornadas o centro de dia “Parque Castrelos”. Nunha das xornadas, interpretou para eles unha pequena peza teatral e tamén xogaron a “Pasapalabra”. Noutra das xornada, o alumnado compartiu con eles xogos de mesa. As dúas ocasións foron importantes por compartir sorrisos entre dúas xeracións, facendo escola fóra da escola.

23 de febreiro - Día de Rosalía de Castro

 O pasado luns, 23 de febreiro, celebramos no cole o día de Rosalía de Castro, unha das grandes figuras da nosa literatura e da nosa terra, Galiza.

Todo o centro participou nunha actividade moi especial: elaboramos carteis coas estrofas do seu poema Adiós ríos, adiós fontes. O alumnado de Infantil encargouse de darlles un toque único, decorándoos con caras coloreadas de Rosalía cheas de creatividade e agarimo.

Ademais, preparamos unha canción que cantamos todos xuntos mentres colocabamos os carteis no valado exterior do centro. Foi un momento precioso, compartido, deses que quedan na memoria.

Nalgunhas aulas tamén se traballou a poesía e a figura desta gran escritora, afondando na súa vida e na súa obra. Porque coñecer a Rosalía é coñecer un pouco máis quen somos.

VISITA DUNHA MADAMA E UN GALÁN DO ENTROIDO DE COBRES!

Seguimos metidos de cheo na celebración do Entroido e hoxe tivemos a gran sorte de recibir a visita de Xandra, unha madama, e Rafa, un galán. Viñeron a contarnos sobre o Entroido de Cobres; sobre seus traxes, os seus bailes e os seus xogos, onde o galo é moi importante.

Conseguiron facer que todo o colexio bailase a ritmo de muñeira!

RECONQUISTIÑA 2026

Aínda non acabamos o Entroido e xa estamos quecendo motores para a Reconquista de Vigo. O alumnado de 4º de EP participou nun obradoiro organizado pola Asocación Veciñal e Cultural do Casco Vello, de cara a participación dos nenos e nenas na Reconquistiña, xa como é tradición no noso centro nos últimos anos.

VISITA DAS SÚAS MAXESTADES E DO APALPADOR AO BALAIDOS!

 O xoves 18 de decembro foi un deses días que quedan gardados na memoria para sempre. No CEIP Balaídos de Vigo tivemos o privilexio de recibir a visita dos Reis Magos de Oriente, que chegaron cargados de ilusión para todo o alumnado de Infantil e primeiro ciclo de Primaria.

As súas Maxestades chegaron á aula de psicomotricidade do edificio de infantil repartindo sorrisos, emocións, algunha que outra lambetada e moita maxia, facendo que os ollos dos nenos e nenas brillasen aínda máis se cabe neste mellor Nadal do mundo que se vive en Vigo.

E como non podía ser doutro xeito, o Apalpador tamén quixo achegarse ao noso centro para visitar ao alumnado de Primaria, compartir un anaquiño de tempo con eles, contarlles unha bonita historia e lembrar os valores do Nadal: a ilusión, a solidariedade e o coidado dos demais. Se queredes escoitar a súa historia só ciclade na súa imaxe!

Foi unha mañá chea de emocións, nervios bos e momentos únicos que encheron o cole de Nadal ata o último recuncho.

Magosto 2025

Como o cartaz nos indica, fomos ó Magosto cun Grande Lume (Magnus Ustus). As castañas, base da alimentación algún día, están á espera de pasar polo lume para que o alumnado poida degustalas.